Қазақстандық Фируза Шарипова UFC чемпионы Аманда Нуньесті жекпе-жекке шақырды

Қазақстандық Фируза Шарипова аралас жекпе-жектегі алғашқы кездесуінен кейін мәлімдеме жасады, - деп хабарлайды Tengrinews.kz тілшісі Vesti.kz сайтына сілтеме жасап.

Қазақстандық боксшы UFC жұлдызы, жеңіл салмақта чемпиондық белбеуді қайта иеленген Аманда Нуньесті жекпе-жекке шақырды. 

"Аманда Нуньес, мен сенің артыңнан келемін. Мен UFC чемпионы боламын", - деп жазба қалдырды Шарипова Instagram парақшасында. 

Айта кетейік, бүгін Нуньес Даллас (АҚШ) қаласында өткен UFC 277 турнирінде америкалық Джулианна Пеньяны жеңіп, жеңіл салмақта UFC чемпиондық белбеуін қайтарып алды. 

Ал 27 жастағы Шарипова бірнеше күн бұрын Алматы қаласында аралас жекпе-жектегі алғашқы кездесуін өткізіп, 18 жастағы ресейлік Карина Ондасынованы жеңді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!