+7 (777) 001 44 99
Қазақша
Русский
English
27 маусым 2023 | 17:00
Мәдениет және спорт министрі Владимир Седовтың өз-өзіне қол жұмсауына қатысты пікір білдірді
Мәдениет және спорт министрі Асхат Оралов 35 жастағы ауыр атлет Владимир Седовтың өліміне қатысты пікір білдірді, - деп хабарлайды Tengri Sport.
ПОДЕЛИТЬСЯ
Мәдениет және спорт министрі Асхат Оралов 35 жастағы ауыр атлет Владимир Седовтың өліміне қатысты пікір білдірді, - деп хабарлайды Tengri Sport.
Министрлік басшысы даңқты спортшының сіңірген еңбегіне тоқталып, зілтеміршінің туған-туыстары мен жақындарына көңіл айтты.
"Біріншіден, әрине бұл көрнекті спортшы екенін айтқым келеді, соның арқасында еліміздің туы бірнеше рет Олимп шыңына көтерілді.
Қазақстан чемпионаттары мен халықаралық турнирлердегі тамаша нәтиже - бұл біздің ауыр атлетиканың ғана емес, жалпы қазақстандық спорттың тарихында қалары сөзсіз.
Көрнекті спортшының барлық туған-туыстары мен жақындарына көңіл айтамын. Қазір құзырлы органдар бұл мәселені тексеріп жатыр. Әрине, бұл үлкен шығын. Біз тағы да көңіл айтамыз. Құзырлы органдардың сараптамасынан кейін толық ақпарат беріледі", - деді министр.
Еске салайық, 27 маусымда танымал қазақстандық ауыратлет Владимир Седов өзіне қол жұмсап қайтыс болғаны белгілі болды.
Владимир Седов – Қазақстанның еңбек сіңірген спорт шебері, 2008 жылғы Бейжің Олимпиадасының қатысушысы, Қазақстан Республикасының төрт дүркін чемпионы, 2010 жылғы Қазақстан чемпионатының рекордсмені. Сәтті өнер көрсеткені үшін "Құрмет" орденімен марапатталған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
