50 жастағы миллионер Instagram желісін жарды

Instagram әлемінде тағы бір жұлдыз пайда болды. Джанлука Вакки есімді италиялық миллионер өзінің әсерлі биі арқылы Instagram желісінде күллі әлемге танылды.

Бірнеше күннің ішінде бір жарым миллион рет қаралған видеода, кәсіпкер яхтаның бортында өзінің жас әйелі Джорджия Габриэлемен би билейді. Бұл видеодағы екеуінің жас аралығы емес, Джанлуканың би билеудегі ширақтығы қызығырақ болған. Пікір қалдырушылардың көбісінің айтуынша, ол әлдеқайда жас көрінеді.

Шетелдік БАҚ-тардың мәліметінше, Вакки автотрейлер құрастыратын зауыт пен дәрі-дәрмектің қаптамасын шығаратын компанияны басқарады екен, ал бос уақытында ол жаттығулар жасап дұрыс тамақтануға уақытын жұмсайды. Сонымен қатар, кәсіпкер денеге тату салуға құмар екен, оның денесіндегі суреттерді қолмен санап шығу мүмкін емес. 

Джанлука Вакки әйелі Джорджия Габриэлемен