71 жастағы Сталлоне кәрілікпен қалай күресетінін айтты

Сильвестр Сталлоне 71 жасқа толғанына қарамастан жаттығу залында ауыр темір-терсекті көтеріп, жастарға үлгі болудан шаршамағанын тағы бір рет дәлелдеді. Бұл жолы ол 45 келі гантельмен турникке тартылып, Instagram желісіндегі парақшасында видео жариялады.

Сондай-ақ ол суретке былай деп жазды: "Тағы бір жеңіл дайындық! Сен өзіңді қаншалықты кәрімін деп сезінсең, дене мүшең де солай қабылдайды. ЛОЛ". 

Голливуд актері спорт залында түсірілген фото мен видеоларды әлеуметтік желіде жиі жариялайды. Алайда, соған қарамастан оны "өліп қалды" дейтін қауесеттер басылар емес. Мысалы, 18 ақпанда актердің обырдан қайтыс болғаны туралы ақпарат тарады. Осыны естіген Сталоне дереу жауап қайтарды: "Өтініш мұндай ақымақтықты елемеңіздер... Мен тірімін, бақытты әрі денім де сау... Әлі де күресіп келемін!". 

 
© Instagram/officialslystallone