90-жылдары танымал болған ресейлік әншінің шығармашылығы мектеп бағдарламасына енген

4-сыныпқа арналған "Өзін-өзі тану" оқулығында 90-жылдары танымал болған Ресей әншісі Шура лақапатымен белгілі Александр Медведевтің жазылған өлең жолдары ата-аналарды таңғалдырған, - деп хабарлайды Tengrinews.kz тілшісі. 

Нұр-Сұлтан тұрғыны Оксана Барановская әлеуметтік желіде пікірін бөліскен. Ол мектеп бағдарламасына әншінің шығармашылығындағы туынды кітапқа енгеніне таңғалған. 

"Сабақ оқиық деп отырғанбыз. Өлеңді жаттауға берген, қарасам - таныс сөздер. Білім министрлігі! Керемет! Кезекті рет таңғалдық", - дейді ол Facebook желісіндегі парақшасында. Сонымен қатар, Оксана Барановская "Шураның шығармашылығын жақсы көретінін" айтқан. 

Шураның өзі бұл ақпараттан хабардар. Ол Instagram желісіндегі парақшасында Оксана Барановскаяның жазбасының скринін салған.