Адам жегіш акуланың ірі балыққа шабуылдаған сәті видеоға түсіп қалды

Адам жегіш ақ түсті акуланың групер балығына шабуылдаған сәтінің видеосы пайда болды, - деп хабарлайды Lenta.ru Daily Star басылымына сілтеме жасап.

Видео кадрларынан ірі акуланың балықты айналып жүрген сәтін көруге болады. "Бұл таңғажайып, бірақ мен ол акуланың құрбаны болғым келмес еді" дейді балықшылардың бірі.

Айта кетейік, осы видео Instagram желісінде 10 мыңға жуық қаралым жинаған.

Групер - ірі балықтардың бірі. Оның ұзындағы 2,7 метрге дейін, салмағы 400 келіге дейін барады екен. Ал ақ акула әлемдегі ең жыртқыш және ең қауіпті акулалардың ірісі болып саналады. Олардың ұзындығы 4,6-4,8 метрге дейін жетеді.