+7 (777) 001 44 99
Қазақша
Русский
English
25 шілде 2019 | 11:05
АҚШ елшісі Абай өлеңін ағылшын тілінде оқыды
Қазақстандағы АҚШ елшісі Уильям Мозер Абай Құнанбаевтің 175 жылдығына орай ұйымдастырылған флешмобты жалғастырды, - деп хабарлайды Tengrinews.kz тілшісі.
ПОДЕЛИТЬСЯ
Қазақстандағы АҚШ елшісі Уильям Мозер Абай Құнанбаевтің 175 жылдығына орай ұйымдастырылған флешмобты жалғастырды, - деп хабарлайды Tengrinews.kz тілшісі.
АҚШ Елшісі Уильям Мозерге АҚШ мемлекеттік бағдарламаларының бірінің түлегі Альбина Қасенова ұлы ақын Абай Құнанбайұлының өлеңдерін оқу эстафетасын жолдаған еді. Елші бұл бастаманы қолдауды мәртебе санап, ұлы ақынның өлеңін ағылшын тілінде оқып, елшіліктің дарынды қызметкерлерінің бірі Ақботаның орындауында музыкалық сүйемелдеумен ұлы ақынның "Желсіз түнде жарық ай" композициясын ұсынып, осылайша эстафетаға қолдау көрсетті.
"Құрметті достар, менің есімім Уилл Мозер, мен Қазақстандағы АҚШ елшісімін. Қазақтың ұлы ақыны Абай өлеңдерін оқу эстафетасын шын жүректен қабыл алдым. Мен үшін Абайдың "Желсіз түнде жарық ай" өлеңін оқу - үлкен бақыт", - деді ол.
АҚШ елшісі дипломатиялық өкілдігінің қызметкерлерін эстафетаны жалғастыруды ұсынды.
Айта кетейік, Абайдың өлеңдерін оқу эстафетасын 9 жастағы оқушы Ләйлім Шырақ бастап, оны Мемлекет басшысы Қасым-Жомарт Тоқаевқа жолдаған болатын. Президент ұлы ақынның "Ғылым таппай мақтанба" өлеңін оқып, эстафетаны білім және ғылым министрі Асхат Аймағамбетовке, мәдениет және спорт министрі Ақтоты Райымқұловаға және әнші Димаш Құдайбергенге жолдаған еді.
Кейін эстафетаны қабыл алған үшеуі де Абайдың туындысын оқып, челленджді әрі қарай жалғастырған. Бүгінге дейін эстафетаны қабыл алған еліміздің шоу-бизнес жұлдыздары мен шенеуніктері ұлы ақынның туындыларынан үзінді оқыды. Ресейлік композитор Игорь Крутой да Димаш Құдайберген жолдаған эстафетаны қабылдап, Абайдың бір өлеңін оқыған еді.
Показать комментарии
Читайте также
