Әл-Фараби даңғылында жол ережесін өрескел бұзған жүргізушінің видеосы Желі қолданушыларын шулатты

Алматыдағы Әл-Фараби даңғылында жүргізушінің көлікті қауіпті жүргізуі Казнет қолданушыларының ашуын тудырды, - деп хабарлайды Tengrinews.kz тілшісі. 

Видеода жүргізушінің Әл-Фараби даңғылында көліктерді үлкен жылдамдықпен басып озып бара жатқанын көруге болады. Желі қолданушылары жүргізушінің қауіпті жүрісіне ашуланды. 

"Бұлай шашки ойнаудың не қажеті бар әлде мақтан артық болды ма? Көліктің чек белгісі жанып келеді, бұл техниканың кез келген уақытта істен шығуын білдіреді. Көлік қираса ғана жарайды, адамдар да бар ғой", - деп жазыпты Instagram желісінің қолданушысы. 

"Кәсібилігі жоғы бірден білінеді. Бір-екі рет мұндай болса, одан кейін қағылады", - деп атап өтті өзге қолданушы. 

"Бұл көпшілікке арналған жол, өз өледі де, өзгені де ала кетеді, ертерек ойлану керек, кейін емес", - деп жазыпты тағы бірі.