Әлемдегі ең ежелгі "смайл" Түркиядан табылды

Т?ркияны? Газиантеп провициясыны? о?т?стік-шы?ыс б?лігіндегі Каракамыш ?аласында ?азба ж?мыстарын ж?ргізіп жат?ан т?ркиялы? ж?не италиянды? археологтар "смайл" бейнеленген ??мыраны тапты, - деп хабарлайды H?rriyet Daily News.

Түркияның Газиантеп провициясының оңтүстік-шығыс бөлігіндегі Каракамыш қаласында қазба жұмыстарын жүргізіп жатқан түркиялық және италияндық археологтар "смайл" бейнеленген құмыраны тапты, - деп хабарлайды Hürriyet Daily News.

Болон университетінің профессоры Николо Маркеттидің айтуынша, бұл ерте замандағы жымиып тұрған адамның бейнесі. Шамамен біздің заманымызға дейінгі 1700-ші жылдары жасалған. "Бұл құмыра шербетті (тәтті сусынды) ішуге арналған. Біз әлемдегі ең ежелгі "смайлды" тапқан секілдіміз. Біз шеберлердің қандай мақсатта құмыраның сыртына мұндай сурет салғанын білмейміз", - деді Маркетті.

Құмыра Газиантеп археологиялық музейіне тапсырылатыны айтылған.