Алматылық 6 жасар қыз Бірінші арна көрермендерін таңғалдырды

Алматы тұрғыны 6 жасар Лиэль Махпирова Максим Галкиннің Бірінші арнадағы "Бәрінен мықты" шоуына қатысты. 

Бағдарламаның сахнасында қыз бала қиын орындалатын гимнастикалық трюктер көрсетіп, көрермендерді таңғалдырды. "Жарайсың, жарайсың", - деді залдағы көрермендер. Өнер көрсетіп болғаннан кейін бағдарлама жүргізушісі қызға медаль тағып, тәттілер салынған сөмке мен гүл табыстады. 

Кішкентай әртіс осы күнге дейін бірнеше марапатқа ие болған. Бағдарламаға қыз бала әкесі Азим мен әпкесі Каринамен бірге келген. Айта кетейік, Карина да осыған дейін "Бәрінен мықты" шоуына қатысқан еді.