Астанада пранкерлер студенттерге оңай ақша табудың жолын ұсынып көрді

WSC pranks пранкерлері Астана студенттеріне есірткі тасымалымен айналысып, пәтерден мәйіт алып шығу арқылы ақша табуды ұсынып көрді. Видеоны жоба авторлары YouTube видеохостингіндегі арнасында жариялады.

Алғашында пранкерлер пәтерлеріне суденттерді шақырып, қалтаны белгілі бір мекенжайға апарып тастауды ұсынды. Ақысына 200, 300 немесе 400 доллар төленетінін жеткізді. Дегенмен жастардың ешқайсысы оңай ақша табуға келісе қойған жоқ.

Екіншісінде студенттерге қалтаға оралған "мәйітті" пәтерден шығарып, 200 долларға ауруханаға апару ұсынылды. Кадрдан "босс", оның "көмекшісі" мен "мейірбикені" көруге болады.