Астанада сауда орталығында фонтанға шомылған ер адамның кім екені анықталды

Полиция қызметкерлері сауда орталықтарының бірінде фонтанға шомылған ер адамның видеосына қатысты пікір білдірді, - деп хабарлайды Tengrinews.kz тілшісі Астана ІІД баспасөз қызметіне сілтеме жасап.

Видео наурызда Instagram желісінде жарияланған болатын. Онда жігіт үстіндегі киімін шешіп, субұрқаққа шомылғаны түсірілген. 

Құқық қорғау органдары 1997 жылғы жігітке айыппұл салған. 

"Есіл аудандық ІІБ жергілікті полиция қызметінің мамандары іздеу шаралары барысында 21 жастағы жігіт екенін анықтап, оған ҚР Әкімшілік құқық бұзушылық туралы кодексінің 434-бабы бойынша 5 АЕК (12 025 теңге) айыппұл салынған", - деді полициядағылар.