"Атырау аруы-2015" анықталды

"Атырау аруы-2015" атағын 17 жастағы Гауһар Қасаева жеңіп алды, - деп хабарлайды Tengrinews.kz тілшісі.

Қызға 200 мың теңге көлемінде сыйақы берілді. Гауһарға тәжді былтырғы жеңімпаз Арай Серікбаева тапсырды. Енді Атыраудың аруы қаласын 10 желтоқсанда Астанада өтетін "Қазақстан аруы" байқауында таныстыратын болады.

"Атырау аруы-2015" байқауының финалына 12 қыз қатысты. Конкурс дәстүр бойынша бірнеше кезеңнен тұрды: ұлттық киімде шығу, дарындылар сайысы мен кешке киюге арналған көйлектерден сән көрсету. Гауһар Қасаева қазылар алқасын өзінің актерлік қабілетімен таңғалдырды.