Әуежайда рейсті күтіп тұрған Әсет Исекешев Астана тұрғынын таңғалдырды

Әуежайда рейсті күтіп тұрған қала әкімі Әсет Исекешев Астана тұрғынын таңғалдырды, - деп хабарлайды Tengrinews.kz тілшісі.

Қала әкімі Әсет Исекешевтің суретін Facebook қолданушысы Dmitriy Tulubayev жүктеген.

"Біздің шенеуніктер жайлы, ал әкімдер жайлы тіпті де жазбайтынмын. Оларды мақтайтындай себеп болған емес, ал желіде оларды бопсалайтындар жетерлік. Бірақ кеше кешке мен әуежайда қала әкімінің қарапайым тұрғындармен бірге рейсті күтіп тұрғанын көріп, таңғалдым. Әкім VIP/CIP залдарда емес, жалпы залда рейсті күтіп тұрды (...)", - деп жазды қала тұрғыны суреттің сипаттамасына.

 
© Dmitriy Tulubayev

Еске салайық, 21 маусымда Әсет Исекешев Астана қаласының әкімі болып тағайындалған еді.