Австралиялық қыз селфиге құмарлығы үшін қомақты қаржыдан айырылды

Әлеуметтік желіге деген құмарлық рухани құлдырауға ғана әкелмейді, қаржылық қиындықтар да тудырады. Австралиялық қыз бәйгеден қомақты қаржы ұтып алып, селфиге құмпрлығы үшін одан айырылып қалды, - деп хабарлайды Triple M.

Перт қаласының Шантель есімді тұрғыны ат бәйгесіне барып, ұтысқа кішігірім ақша тігуді ұйғарады. Қыз бәйгеге қатысқан аттардың біріне жүз доллар тігіп, нәтижесінде қомақты қаржы ұтып алған. Ол өз қуанышын достарымен бөліспен болып ұтып алған билетімен селфи жасайды. Кейін оны Facebook жүктеген. Билетте ұтыс қаражатын алатын билеттің штрих-коды көрініп қалыпты.

Әлеуметтік желіге суретін салғаннан 15 минуттан кейін Шантель ұтысты алу үшін кассаға барады. Дегенмен оған ақшаны алып кеткенін айтқан. Австралиялық қыз дереу полицияға шағымданды. Қыздың айтуынша, полицейлер ақшаны әкеткен адамды іздестіріп жатыр.