EXPO территориясында жайылып жүрген қозы-лақ Желі қолданушыларын күлдірді

Әлеуметтік желілерде Астанадағы EXPO-2017 көрмесінің территориясында жайылып жүрген қозы-лақтардың видеосы жарияланды, - деп хабарлайды Tengrinews.kz тілшісі.

"EXPO жабылды, енді шөп қырқатын адам жоқ сияқты", - деп әзілдеді Instagram желісіне видеоны жүктеген адам. Видео бірнеше сағаттың ішінде 75 мыңнан аса қаралым жинап, көптеген әзіл айтылып жатыр. Кейбірі қозы-лақты биоотынмен жүретін шөп қырқатындар деп атады. 

"Тіпті қозы да ЭКСПО-да болды, ал мен болмадым...", - деп пікір қалдырыпты @dinabell09

Ал кейбірі малдың мұнда таяу маңдағы саяжайлардан келген болуы мүмкін дегенді айтып отыр.