#FollowMeTo жобасының авторын Қазақстанда қарумен қорқытқан

Фотограф әрі #FollowMeTo жобасының негізін қалаушы Мурад Османн Қазақстанда болған жағдай жайлы айтып берді, - деп хабарлайды Tengrinews.kz тілшісі.

"Жергілікті күзетшілер бізді түсірілім алаңына жібермей қойды. Алайда біз оларға ақшасын төлеген болатынбыз. Бізді иттермен және қарумен қорқытты. Сосын оларға тағы ақша бердік. Осындай тамаша жерлердің кейбір адамдар үшін жемқорлықтың бір түрі болып жатқаны өкінішті-ақ", - дейді фотограф.

Айта кетейік, фотограф Мурад Османн - Дағыстан тумасы. Ол #FollowMeTo жобасымен танымал болды. Ол сүйіктісі Натальямен бірге әлемнің әдемі жерлерінде ерекше суреттер жасайды.