Geo Folk Tour "Көзімнің қарасын" грузиндердің қазақша орындауындағы нұсқасын ұсынды

Қазақтың данышпаны аталып кеткен Абай Құнанбайұлының әрбір қазаққа таныс "Көзімнің қарасы" атты әнін Грузия тұрғындары қазақ тілінде орындап берді, - деп хабарлайды Tengrinews.kz тілшісі Geo Folk Tour жобасының Facebook парақшасына сілтеме жасап.

"Қазақстандағы достарымызға арналады. Ән грузин тбилисилік, Ескі Тбилиси заманындағы балладалар жанырында орындалған. Авторы Абай Құнанбаев. Geo Folk Tour жобасы бейімдеген. Аранжировкасын Гиорги Маргвелашвили & Geo Folk Tour жасаған деген қысқаша мәлімет көрсетіліп, астына "құрметті достар, біз әннің өзін көзсіз көшіре салуды мақсат тұтпадық, біз оны барынша грузиялық мәнермен орындауға тырыстық" деп түсіндірме жазылған парақшада.