Илья Ильиннің брейк билеп, жұртты тәнті еткен видеосы жария болды

Ауыр атлетикадан Олимпиаданың екі дүркін чемпионы Илья Ильин Ақтаудағы "AktauOpenFest2016" фестивалінде брейк билеп, жұртты тәнті етті.

"Міне, достар, "Break Dance" орындап беретін сәт келіп жетті. Сіздерге ұнайды деп ойлаймын", - деп жазды Илья Instagram желісіндегі парақшасында. 

Оқырмандар ауыратлеттің биін көргеннен кейін таңғалғанын жасыра алмай, қолдау мәніндегі пікір жаза бастады. 

"Бастапқыда далбаса болады деп ойлағанмын, сөйтсем мұнда нағыз би! Осыдан кейін чемпионды қалай құрметтемейсің?!" деп бөлісті оқырмандардың бірі әсерін. 

Бұл осы шараның толық видеосы.  

Ал осы видеода Илья Ильин Ақтау тұрғындарына өзі жайлы айтып беріп, сұрақтарға жауап қатты.