Қарбыз сатушы павлодарлық жігіт Интернетте жұлдызға айналды

Қарбыз сатушы павлодарлық жігіт Интернетте жұлдызға айналды. Ілияс Мұратов саудасын дөңгелету үшін шығармашылығын қосыпты. 

18 жастағы ол күн сайын Қамзин мен Ломов көшелерінің қиылысына келіп, жұртты әнмен еліктіреді. Өзінің айтуынша, Ілияс музыкалық колледжі тастап кетіпті, қазіргі уақытта қаржы-экономикалық факультетте оқиды. Кейде ол тіпті тойларға да шығады екен. Айтуынша, шығармашылығы мен сауданы үйлестірген оның табысы аз емес көрінеді. Себебі көшедегілер бірінші кезекте әнші сатушының өнімін алғысы келеді екен.