Кличко тағы да желі қолданушыларының күлкісіне қалды

Киев мэрі Виталий Кличко сұхбат кезінде тілі күрмеленіп, тағы да желі қолданушыларына күлкі сыйлады, - деп хабарлайды Tengrinews.kz тілшісі. 

Кличко "Ваша свобода" бағдарламасына берген сұхбаты кезінде "сот сараптамалық институты" деген сөз тіркесін айта алмай қалған. Бағдарламадан үзіндіні журналист Алексей Минаков Facebook желісіндегі парақшасында жариялады.

Бұл бағдарламаға Киев мэрі жұмыстан босатылуы туралы жаңалықтардан кейін туындаған жанжалға байланысты келген.

Виталий Кличко бұрыннан мағынасыз сөздерімен белгілі, олардың көбі тіпті мем болып кеткен. Ол тапқырлығының арқасында желіде танымалдыққа ие болған.