Корей әншілерінің сәтсіз қойылымы Интернетте хитке айналды

Корей әншілерінен тұратын "GFriend" тобының Сеулде өткен музыкалық фестивальдегі сәтсіз қойылымы Интернетте хитке айналды, - деп хабарлайды TengrinewsTV.

Қойылым төрт минутқа созылды. Дегенмен осы аз уақыттың ішінде топтың солистері сегіз рет құлады. Құлаған қыздардың әрқайсысы орнынан тұрып, түк болмағандай әндерін жалғастыра берді. Тайғанақ еден немесе әншілердің аяқ-киімдері оларға ән айтып, би билеуге кедергі келтірген сияқты. YouTube видеохостингіне жүктелген видео бірнеше күннің ішінде бес миллионға жуық көрілім жинды.