Кувейтте тележүргізуші қонағын тікелей эфирде өртеді

Кувейтте комедиялық бағдарламаның жүргізушісі тікелей эфирде қонағының үстіне бензин шашып, өртеді. Бұл туралы Al Arabiya телеарнасының ағылшын тілді сайтында хабарланды.

Кувейттің белгілі жүргізушісі Джасем Раджаб (Jassem Rajab) шоу басында оны "Инстаграмдағы ең қырсық адам" деп атап, сынаққа қатысуын сұрайды. Қонақтың үстіне бензин шашылып, кейін от қойылады. Абырой болғанда түсірілім тобы ер адамды дереу сөндіреді. YouTube хостингіне жүктелген видеода көрерменге бұл әрекетті қайталамау ескертіледі. Сондай-ақ, барлық сақтық шараларының жасалғаны айтылады. 

Ал жүргізуші Раджаб "қонақ ауырсынуды сезбеді, оның денесі арнайы қорғаныш қабатымен қапталды" деп мәлімеді. Ал Желі қолданушылары оның бұл әрекетін тым қауіпті деп есептеп, сөгіп жатыр.