Мас қарағандылық дәріханада "стриптиз" биледі

Қарағандыда дәріханаға келген ер адам "стриптиз" биледі, - деп хабарлайды Еkaraganda.

Ер адам дәріханаға сутек тотығы мен бинт сатып алу үшін келген. Осыдан кейін ол ит қауып алғанын айтып, фармацевттен жарасын таңып беруді сұраған. Сатушы мұндай қызмет көрсетпейтінін айтқан. 

"Осыдан кейін ол шалбары мен ішкиімін шешіп, фармацевтке мүшесіне қарауды талап еткен. Киімін киіп, ғимараттан шығуды бірнеше рет талап еткеніне қарамастан, ер адам қарсылық білдірген. Дәрі сатушы "жедел шүртпені" басқаннан кейін ғана ер адам оқиға орнынан қаша жөнелген", - деді басылым. 

Сотта ер адам өзіне ҚР Қылмыстық кодексінің 293-бабы 1-бөлігі ("Бұзақылық") бойынша тағылған айыпты толығымен мойындады. Өз ісіне өкініш білдіріп, кінәсін мойындады. 

Жәбірленуші де айыпталушымен мәмілеге келуіне байланысты соттан істің тоқтатылуын сұрады. Осылайша айыпталушы қылмыстық істен босатылды.