Мәскеуде Зеленскийдің сыңары табылды

Мәскеу метросында Украина президенті Владимир Зеленскийге ұқсайтын ер адам табылды, - деп хабарлайды Mash Telegram-арнасы. 

Фото бірден Желіде тарап кеткен. Артынша Зеленскийге ұқсайтын ер адамның Умид есімді Өзбекстан азаматы екені белгілі болды. Ресейде ол отбасымен бірге тұрады. Мәскеудегі автосервистердің бірінде автомаляр болып жұмыс істейді екен. 

"Мен бұрын Зеленскийдің кім екенін білмегенмін. 2016 жылы маған достарым сондай әзілкештің бар екенін және менің соған ұқсайтынымды айтқан. Кейіннен ол президент болған кезде мен оны білдім", - дейді ол. 

Зеленскийдің сыңарын достары Дима деп атайды. Ал жұмыста оны әзілдеп Зеленский деп атап кеткен.