Мейірімді рудныйлықтың әрекеті Қазнетті тәнті етті

Рудныйда тротуардың мұзын жарып жатқан ер адамдың видеосы Қазнет қолданушыларын тәнті етті, - деп хабарлайды Tengrinews.kz тілшісі.

Жаңбырдан кейін қалада жер мұз болып қалған. Жаяу жүргіншілер тротуарға аяқ баса сала бірден құлайды екен. Мұзды жарып жатқан ер адамды жолаушылар видеоға түсіріп алып, Instagram-ға жариялаған. 

"Өтіп бара жатқан ер адам құлаған әйелдерге көмектесті. Содан кейін құралын алып, мұзды жара бастады. Осындай мейірімді адамдар көп болса екен!" - дейді жазба авторы. 

Әлеуметтік желі қолданушылары ер адамның азаматтық ұстанымына риза болды. Бірақ билік өкілдерін тайғақ тротуар мен жолдар үшін айыптады.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!