Павлодар әкімі балаға галстугын сыйлады

Павлодар қаласының әкімі Болат Бақауов жаңажылдық шырша кезінде өзінің галстугын балалардың біріне сыйлады. Бұл туралы Facebook желісінде Павлодар әкімінің баспасөз қызметінің жетекшісі Асқар Ғазизов айтып берді, - деп хабарлайды Tengrinews.kz тілшісі.

"Салтанатты рәсім ортасында ата-аналар балаларымен бірге әкіммен суретке түсуге жақындаған. Солардың ішінде баласы бар әйел әкімге жақындайды. Әкім баланы көтеріп алады. Шыршаның алдында тұрып суретке түскеннен кейін Өрмекші адамның киімін киген бала қала басшысының галстугынан жібермей қояды. Сол кезде әкім галстугын алып, балаға тағып береді. Былайша айтқанда, естелік болды", - деді Асқар Ғазизов.

Болат Бақауов Павлодар әкімі болып 2014 жылдың сәуірінде тағайындалған болатын.