Қазақстанда Лионель Мессидің "сыңары" табылды

Қазақстанда Аргентина футболшысы Лионель Мессидің "сыңары" табылды, - деп хабарлайды Tengrinews.kz тілшісі. "Вконтакте" желісіндегі "За тебя, Бәке" тобы жариялаған суретте Аргентина футбол құрамасы мен "Барселона" клубының жартылай қорғаушысы Мессиге ұқсайтын қазақ жігіті бейнеленген. Бұл суреттен жігіттің Мессидің командасы - "Барселона" футбол клубына жанкүйерлік ететінін байқауға болады. 

Әзірше оның аты-жөні белгісіз. Айта кетейік, Мессидің Ресейде тағы да бір "сыңары" бар. Оның да "Барсаның" жанкүйері екенін көруге болады.

Еске сала кетейік, Лионель Месси - футболдан Аргентина құрамасының капитаны. Әлем біріншілігінің үздік ойыншысына берілетін "Алтын допты" төрт мәрте иеленген.