Қазақстандық қыз Miss Virtual 2019 атанды

Мексикада өткен "Miss Virtual World 2019" сұлулық байқауында қазақстандық Арайлым Ишахат бас жүлдеге ие болды, - деп хабарлайды Tengrinews.kz тілшісі. Жеңімпаздың өзі виза рәсімдеуге байланысты қиындықтар туып, Канкун қаласына келе алмаған.

Сурет: instagram.com/ishakhatova

Байқауға әлемнің 20 елінен арулар қатысқан. Олардың арасында Қырғызстан, Армения, Боливия, Бразилия, Гватемала, Гондурас, Ресей, Коста-Рика, Доминикан, Панама, Перу, Мексика, Колумбия, Танзания, Чили, Эквадор және басқалар бар. Байқау жеңімпазы бас жүлде - Porsche 718 Cayman автомобиліне ие болды.

Айта кетейік, қазан айының басында Арайлым Ишахат Miss Virtual Kazakhstan байқауында жеңген.