"Реал" клубына жанкүйер ит Мессиді жек көреді

Лионель Месси. ©Smotrisport.tv

Youtube-ке "Реал" футбол клубынан басқаларды жек көретін иттің бейнежазбасы орналастырылды, - деп хабарлайды Lenta.ru.

Мадридтік "Реалдың" мәңгілік бәсекелесінің "Барселона" клубы екені белгілі. Бейнероликке түсірілген иттің каталониялық клуб ойыншылары жайлы естігісі келмейді екен.

Лионель Месси, Серхио Бускетс сияқты "Барселона" ойыншыларының атын естіген кезде жануар ырылдап, тісін ақситып шыға келеді. Ал Криштиану Роналду, Серхио Рамос есімдері итті сабасына түсіріп, көңілін жайландырады.