Шаңғы тепкен бір жасар қыз Желі қолданушыларын тәнті етті

Олимпиада қатысушысы, қазақстандық фристайлшы Дмитрий Рейхерд бір жасар қызын шаңғы тебуге үйретіп жатыр, - деп хабарлайды Tengrinews.kz тілшісі.

Спортшының әйелі шаңғы теуіп жатқан қызының видеосын Instagram желісіндегі парақшасында жариялады. Осылайша, бір жасар қыз әлеуметтік желі қолданушыларын тәнті етті.

"Бұл біздің бірінші жаттығуымыз. Варвара бір жас 3 айға келіп қалды. Меніңше, бұл шаңғы тебуді үйренуге болатын кез", - дейді спортшы Дмитрий Рейхерд.

Желі қолданушылары өз кезегінде Варвараның әкесі сияқты спортшы болып, болашақта Олимпиада чемпионы болатынын жазып жатыр.