Шымкенттіктер "коронавирустан" эвакуациялау видеосынан шошып қалды

Әлеуметтік желіде Шымкенттегі сауда үйлерінің бірінен коронавирус жұқтырған адам табылды деген мазмұнда видео тарап жатыр, - деп хабарлайды Tengrinews.kz тілшісі.

"Шымкентте коронавирус. "Шымкент-Плазада" жаңа бір адамды алып кетті. Қазір бәрін эвакуациялап жатыр", - дейді тарап жатқан видеодағы ер адам даусы. 

"Адамдардың коронавирус тіркелуіне байланысты "Шымкент Плаза" сауда үйінен эвакуацияланған сәті түсірілген видеоролик шындыққа жанаспайды", - деді Шымкент ТЖД өкілдері. 

3 наурызда 10:00-де сауда үйінде Төтенше жағдайлар департаментінің өртке қарсы қызметі оқу-жаттығу өткізген. 

Хабарламада Шымкентте коронавирус тіркелмегені айтылған.

Кейін бұл видеоны Шымкент тұрғыны Әлібек Әмзеевтің түсіргені белгілі болды. Ол жалған ақпарат таратқаны үшін кешірім сұрады. 

Қазақстан жаңалықтары. Соңғы жаңалықтар. Telegram желісінде бізге жазыл!