"Соңғы қоңыраудан алып қашты": Қазнетте "Жас түлек" лентасын таққан қалыңдықтың видеосы тарады

Қазнетте "Жас түлек" лентасымен жүрген қалыңдықтың видеосы пайда болды, - деп хабарлайды Tengrinews.kz тілшісі. Видео ushbu_hat паблигінде жарияланды. 

Видеода ақ жейде киген және қызыл "Жас түлек" жолағын таққан қызды ақ орамал жауып, үйге кіргізіп жатқаны түсірілген. Оның жанында екі әйел адам жетектеп жүр. Қалыңдықты адыраспанмен қарсы алады. 

Әйелдердің әңгімесінен қызды соңғы қоңыраудан кейін алып кеткенін байқауға болады. 

Кейбір пікір қалдырушылар қызға асықпау керектігі және жоғарғы білім алғаны дұрыс болар еді деген кеңес беріп жатыр. Басқалары жас отбасына бақыт тіледі. 

Видео кадрлары