Тау басындағы енесіне өрмелеп шығып бара жатқан қонжық түсірілген видео желіні таңғалдырды

Тау басындағы енесіне өрмелеп шығып бара жатқан қонжық түсірілген видео желіні таңғалдырды. Куәгерлер аңның бұл әрекетін видеоға түсіріп алған, - деп хабарлайды Tengrinews.kz тілшісі. 

Дрон көмегімен түсірілген видео YouTube хостингінде ViralHog арнасына жарияланды. Кадрлардан аю баласымен қалың қар басқан тау беткейімен көтеріліп бара жатқанын көруге болады. Ал қонжық ұзақ уақыт бойы анасына ілесе алмай, үнемі сырғып кете береді. 

Бір кезде қонжық көтерілуге аз қалғанда анасы оны ұстап алуға тырысады, бірақ ол әрекеті нәтижесіз болады. Мүмкін жануарлар айналасында ұшып жүрген дронға алаңдаған шығар. 

Видео 19 шілдеде Магадан облысында түсірілген.