Техаста ірі денелі ұры чихуахуадан қорқып, қашып кетті

АҚШ-тың Техас штатындағы Арлингтон қаласының полицейлері сәтсіз тонау әрекетінің видеосын жариялады. 

Арлингтон қаласындағы үйлердің біріне түскен жолы болмаған ұры кішкентай күшіктен қорқып, қашып кетті.

Күдікті алдыңғы есіктен кіріп келе жатқанда иттің үргенін естіген. Сэди есімді чихуахуа ер адамды қуып шықты. Полицияның мәліметінше, ер адамның салмағы шамамен 100 келі және бойы 180 сантиметрдей болады.

Қазіргі уакытта полиция күдіктіні іздестіріп жатыр.