Тойда билеген Мейрамбек Бесбаев пен оның жұбайына қолданушылар риза болды

"Диета.кз" тобының әншісі Жасұлан Базарбаев Instagram әлеуметтік желісіндегі парақшасына бейне жүктеді. Онда әнші Мейрамбек Бесбаев пен жұбайы "Шынар-ау" әніне билеп жүргені көрсетілген. Бұл туралы ZhambylNews сайты жазады.

"Мен əн айтып оған @m_besbaev билейді деп ойламақ түгілі армандамаған да едім. Себебі ауылы алыс еді. Бір қарасам мен əн айтып қайнағам билеп жүр. Аллаға шүкір осындай ағалар қайнағамен бірге жүргеніме қуаныштымын.", - деп жазды Жасұлан Базарбаев.

Желі қолданушылары видеоға тек жағымды пікірлер қалдырған. "Жарасымды, әдемі билеп жүр, жұптарың жазылмасын, балапандарыңмен бақытты болыңдар", "Көз тимесін, қандай керемет жұп. Аман болыңыздар", "Керемет!", "Мәкең қатырады", "Қандай жарасымды", - деп жазды олар. Алайда басылым бұл тойдың қайда және қашан болғанын атамады.