Жаралы қасқыр жайлы видео Қазнетті дүр сілкіндірді

Қазнет қолданушылары жыртқыш аңға көрсетілген қатыгездік әрекеттеріне наразылық танытты. Видео Instagram желісіндегі ztb_video парақшасында жария болды.

Кадрлардан ер адамды көруге болады. Аңшының қолында мылтығы бар. Ол жаралы қасқырға жақындап келеді де құндағымен ұрғылай бастайды. Ал аңның екі аяғы жараланған. Ал кадр сыртынан қазақ тілінде "Басынан ұр!" деген дауыс естіледі. Видеоның қайда және қашан түсірілгені белгісіз. 

Ескерту! Роликте зорлық пен қысым көрсету белгілері бар!

Видеоға жазылған пікірлердің көбі ер адамның әрекетіне қарсы. Біреулері аңшыны тауып, жазалауды талап етті. Олардың айтуынша, нағыз аңшы жыртқышты қинамай, дереу атып түсірер еді.