Желіде Назарбаевтың ән салған видеосы жарияланды

Желіде Нұрсұлтан Назарбаев туған жерінде ән салған видео пайда болды, - деп хабарлайды Tengrinews.kz тілшісі. 

Видеодан қысқа үзінді Instagram желісіндегі elbasy_nazarbaev парақшасында жарияланды.

Кадрларда Тұңғыш Президент туған даласында серуендеп, "МузАРТ" тобының "Үш қоңыр" әнін шырқап жүр. Одан бөлек, Елбасы қыр үстінде екі немересін құшақтаған кадрлар бар. 

"Көптеген елдерді араладым… Бірақ бәрі де өзім туып-өскен қазағымның жеріне, Алатаудың бір бөктеріне жамбастай жығылған үш қоңыр төбеге жетпеді. Балалығымның, сағынышымның алтын қазығы сонда екен…", - деп жазылған видео түсіндірмесінде Нұрсұлтан Назарбаевтың сөзі.