Желіде жол талғамайтын көлік жүргізушісінің әрекеті таңғалдырды

Интернетте видео пайда болды, онда жол талғамайтын көлік жүргізушісі жаяу жүргіншілерге үлкен шалшық судан өтуге көмектескен, - деп хабарлайды Tengrinews.kz тілшісі. Игі істің бұл видеосы zello_atyrau парақшасында жарияланды.

Ұялы телефонға түсірілген оқиға қала көшелерінің бірінде болды. Бейнежазбада Land Cruiser көлігі жол ортасында тұрған бір топ жастардың қасына тоқтайды. Олардың жолдан өте алмай тұрғаны байқалады.
Жүргізуші өз көдігінің салонын "көпір" түрінде пайдалануыды ұсынады. Жастар есікті ашып, салон арқылы өтіп, жолдың келесі жағына өтеді.