20 жастағы модель мен 25 жастағы хирург Грузияда өтетін сұлулық байқауына қатысады

Зафар Сүлейменов пен Зарина Зағидуллина 3-11 қыркүйек аралығында өтетін халықаралық Miss and Mister Planet 2016 байқауында Қазақстанды таныстырады, - деп хабарлайды Tengrinews.kz тілшісі.

Айта кетейік, алматылық 25 жастағы хирург Зафар Сүлейменов шілде айында "Қазақстан Мырзасы" титулын жеңіп, бірнеше танымал байқауларға қатысу құқығына ие болды. Қазіргі уақытта ол алғашқы халықаралық байқауына дайындалып жатыр.

Зафармен бірге Грузияға астаналық модель Зарина да барады. Қазір модель Қазан қаласында төртінші курста оқып жатыр. Зарина Miss Planet байқауы туралы әлеуметтік желілерден біліп, содан байқауға қатысуға өтініш жіберген екен. Кейін іріктеу кезеңінен өтіп, қазіргі кезде алдағы байқауға дайындалып жатыр.