Биылғы әлем аруы анықталды

"Әлем аруы -2019" тәжін ямайкалық 23 жастағы Тони-Энн Сингх тақты, - деп хабарлайды Тengrinews.kz тілшісі байқаудың Instagram желісіндегі ресми парақшасына сілтеме жасап. 

Осыған дейін оңтүстікафрикалық қыз "Ғалам аруы - 2019" атанған еді. 

Марапаттау рәсімі Лондонда 14 желтоқсанда болды. Тони-Энн Сингх халықаралық сән байқауында Ямайка атынан қатысып, жеңіске жеткен екінші қыз. Соңғы рет 993 жылы осы елдің бұрымдысы әлем ару атанған еді.

Бірінші вице-ару атағы француз Офели Мезино алды. Екінші вице-ару үндістандық Суман Рао жеңді.

"Әлем аруы" байқауы 1951 жылдан бері ұйымдастырылып келеді. 

Қазақстанның атынан осы байқауға 20 жастағы Мадина Батық қатысқан еді.