"Қазақстандық Дейенерис" атанған волейболшы Динара Сыздықова байқауға қатысып жатыр

"Қазақстандық Дейенерис" атанған волейболшы Динара Сыздықова Miss Virtual World сұлулық байқауына қатысып жатқанын мәлімдеді, - деп хабарлайды Tengrinews.kz тілшісі. 

Бұл туралы ол Instagram қолданушыларына хабарлады.

Еске салсақ, тамыздың басында өскемендік "Алтай-2" волейбол командасы Вьетнам телевизиясы (VTVCup) Кубогында соңғы орынды алып, сәтсіз өнер көрсеткен болатын. Дегенмен командадағы Динара Сыздықова сыйлықсыз қалмады. Ол турнирдегі ең әдемі қыз атанған еді.

Сол кезде көбі Динара Сыздықованы "Тақтар ойынындағы" Дейенерис Таргариенге ұқсатқан.

Вьетнам телевизиясы аруы атанған волейболшы жеңімпаз лентасын, титул иесі тәжін және 300 АҚШ доллары көлемінде ақшалай сыйлық алған.