Қазақстандық тұңғыш рет Mister Global 2017 конкурсына қатысады

Қазақстандық тұңғыш рет Mister Global 2017 конкурсына қатысады. Бұл туралы "Қазақстан мистері" конкурсының дирекциясының өкілдері мәлім етті, - деп хабарлайды Tengrinews.kz тілшісі.

Mister Global Kazakhstan 2017 атағын иеленген Тельманов Нұрсұлтан 2017 жылдың 10-23 мамыры аралығында Таиландтағы Mister Global 2017 халықаралық конкурсына қатысады және бас жүлде үшін таласады. 

"Еске салайық, Тельманов Нұрсұлтан Mister Global халықаралық конкурсының тарихында Қазақстанның атынан шығып отырған тұңғыш өкіл", - деп хабарлады дирекциядағылар. 

© Instagram/nursiktelman

"Елімізге және @nursiktelman-ға осы өте маңызды әрі әйгілі Mister Global 2017 конкурсында қолдау көрсетіңіздер. Бұл Нұрсұлтанға тұңғыш халықаралық конкурс қана емес, сонымен қатар ол бүгін Таиландқа тұңғыш рет шығып отыр, тай халқының мәдениеті, асханасы және дәстүрі біздің өкілге жағымды болады деп есептейміз", - деп атап өтті конкурс дирекциясының өкілдері.