Галина Воскобоеваның аяғына ота жасалды

"Қазақстандық тенисші Галина Воскобоеваның аяғына ота жасалды", - деп хабарлайды Tengrinews.kz Vesti.kz сайтына сілтеме жасап.

"Соңғы жаңалық. Осы уақытқа дейін ота жасау қажет болмас деген үмітпен дәрігерлерге қатынаумен болдым. Өкінішке қарай, мәселені отасыз шешуге болмады. Өкшедегі сүйек төрт бөлікке жарылғандықтан оның өздігінен жазылып кетпейтіні анық болды. Ота жасалды. Қазір ауруханадамын", дейді Воскобоева.

Естеріңізге сала кетсек, 29 жасар тенисші Галина Воскобоева Акапулькода (Мексика) өткен турнирде аяғын жарақаттап алған болатын. Қазіргі уақытта қазақстандық тенисші WTA рейтингі бойынша 64-ші орынды иеленіп тұр.