Путинцева WTA рейтингінде 7 сатыға көтерілді

Қазақстандық теннисші Юлия Путинцева Будапештте (Венгрия) өткен Hungarian Grand Prix турниріндегі жеңісінен кейін WTA рейтингінде көтерілді, - деп хабарлайды Tengrinews.kz тілшісі Vesti.kz басылымына сілтеме жасап.

Ол рейтингте жеті сатыға жоғары көтеріліп, қазір 35-ші орында тұр. Қазақстанның бірінші ракеткасы Елена Рыбакина 20-шы орынын сақтап қалды. Зарина Дияс үш позицияға көтеріліп, Топ-100-ге кірді және қазір 99-шы орында.

АТР ерлер рейтингінде Қазақстанның бірінші ракеткасы Александр Бублик үш сатыға төмендеп, 40-шы орынға орналасты. Михаил Кукушкин бір позицияға көтерілді - 123 орын.

Айта кетейік, бұған дейін қазақстандық теннисшілер арасында олимпиада лицензиясының барлық иегері анықталған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!