Қазақстандық теннисші US Open жарысында қарсыласын 6:0 есебімен жеңді

Қазақстандық теннисші Александр Бублик US Open (АҚШ ашық біріншілігі) бірінші айналымында колумбиялық Сантьяго Хиральдоны жеңді, - деп хабарлайды Vesti.kz.

Бірінші сетте есе жіберген Бублик, екінші кезеңде - 6:0 есебімен жеңді. Бес партияның қорытындысы бойынша есеп мынадай - 2:6, 6:0, 7:5, 3:6, 6:4. Қарсыластар кортта үш сағат 18 минут ойнады.

ATP рейтингінде 22 жастағы Бублик 75-ші орында тұр, ал 31 жастағы Хиральдо - 232-ші орында. Қарсыластар бір-бірімен бірінші рет кездесіп отыр.

US Open екінші айналымында Бублик австриялық Доминик Тим және италиялық Томас Фаббиано жұбының жеңімпазымен кездесетін болады.