+7 (777) 001 44 99
Қазақша
Русский
English
14 мамыр 2020 | 11:56
"Team Kazakhstan". Болашаққа бағдар
Қазақстан теннис федерациясының президенті Болат Өтемұратовтың бастамасы бойынша 2008 жылы "Team Kazakhstan" жобасы құрылды.
ПОДЕЛИТЬСЯ
Қазақстан теннис федерациясының президенті Болат Өтемұратовтың бастамасы бойынша 2008 жылы "Team Kazakhstan" жобасы құрылды.
Осы бағдарлама ел теннисінің ертеңгі күнінің жарқын болуына басталған алғашқы қадам еді. Алғашқыда нәтижесі қалай болар екен деп алаңдаған мамандар енді міне, осы күні еңбектің жемісін көре бастады. Бұл бағдарламаның түлектері әлемнің әр түкпірінде ел намысын қорғап жүр. Осы 12 жыл шінде бұл бағдарлама сағаттың сыртылындай үзіліссіз қызмет етіп тұрды.
Ендеше, бұл жоба қалай басталды және несімен ерекшеленді деген сауалға жауап беретін күн де келген секілді. "Team Kazakhstan" жобасы болашағы зор қазақстандық спортшылардың шеберлін арттыру мақсатына бағытталған. Академияның басты мақсаты Davis Cup және Fed Cup додаларында ұлттық құрама сапына алынатын ойыншыларын даярлау.
Жоба спортшы үшін барлық жағдайды қамтамасыз етеді: халықаралық және республикалық деңгейдегі турнирлерге қатысу, әлемдік жетекші мамандармен жаттығу процесі, білім беру, тамақтану, медициналық қызмет көрсету, әлеуметтік бейімделу.
Білім беру спортшыларды даярлау процесінде екінші орынға түскен емес. Өйткені толыққанды адам тұлғасын қалыптастыруды ең ізгі шаруа. Жақсы спортшы - ойлы, жан-жақты болып өсуі тиіс. Одан бөлек айта кетер болсақ, теннис академиясының өкілдері ағылшын, неміс, испан тілдерін тегін оқып, жан-жақты білім алып шығады. 2008 жылы 12-17 жас аралығындағы ең үздік жасөспірімдер қабылданды.
Академия қатарына алынған өрендерді Қазақстан теннис федерациясы толықтай өз қарамағына алатынын айттық. Ол аз десеңіз "Team Kazakhstan" жобасының қатысушылары әлемнің үздік теннис академияларына жіберіліп тұрады. Мысалы, Испанияда Р.Надаль академиясы, Германия еліндегі Э.Ван Харпен академиясымен тығыз қарым-қатынасы бар. Бірнеше жас теннисші осы академияларды шеберліктерін шыңдады.
"Team Kazakhstan" түлектері осы күндері ATF, ITF және Tennis Europe додаларында жүлде алып жүр. Олардың ішінде көзге түскендер: Карина Жұмажанова, Максим Батютенко, Ростислав Гальфингер, Сандуғаш Кенжебаева, Мария Синицына, София Сохетская, Жанел Оспанова, Елизавета Карлова, Дмитрий Безбородов, Ерасыл Ерділда, Татьяна Николенко, Ерасыл Мұрат, Анастасия Астахова, Ілияс Маратұлы, Данир Қалдыбеков, Айя Нүпбай, Зара Дәркен, Әмір Омарханов, Полина Слепцова.
Сондай-ақ, атап өтетін болсақ, жас спортшы Достанбек Ташбулатов АҚШ-тың Флорида штатында өткен "Orange Bowl International Championships" бейресми Әлем Чемпионатының финалына дейін жетті. 2019 жылы елордада 12 жасқа дейінгі балалар арасындағы Азия
чемпионатының командалық сайысы өтті. Финалдық кезеңге 14 мемлекеттің спортшылары қатысты. Ұлдарымыз "қола" жүлдегер атанса, қыздардан жасақталған Қазақстан құрамасы бас жүлдені иемденді.
Жалпы алғанда "Team Kazakhstan" жобасы өзін ақтады десек болады. Елдегі теннистің кең тынысын ашқаны сөзсіз. Әлі де талай теннисшілер шығып, көк байрағымызды көкте желбіретер. Ал ең бастысы өз өрендеріміз жиған-терген тәжірибиелерін іні-қарындастарына берері анық. Демек, ел теннисінің болашағы жарқын!
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
