Теннисші Зарина Дияс Аустралиядағы турнирін жеңіспен бастады

Қазақстандық теннисші Зарина Дияс Мельбурнде өткен Australian Open чемпионатының бірінші айналымында сәтті өнер көрсетті, - деп хабарлайды Vesti.kz.

Екі айналымда да Дияс словениялық Тамара Зиданшекті 6:2, 7:5 есебімен жеңді. Ойын бір сағат 22 минутқа созылды. Зарина бұдан екі жылдан аса уақыт бұрын да Тамараны жеңгені белгілі.

Келесі айналымда Дияс Анжелика Кербер (Германия) - Бернарда Пера (АҚШ) дуэтінің жеңімпазымен кездеседі.

Осы турнирде тағы бір қазақстандық теннисші Ярослава Шведова итальяндық Камил Джорджиден жеңіліс тапты (3:6, 3:6).

Теннистен Аустралия ашық чемпионаты (Australian Open) Мельбурн қаласында жергілікті "Мельбурн парк" спорт кешені кортында өтіп жатыр. Бұл төрт "Үлкен дулыға" турнирінің бірі.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!