Зарина Диас 2 сағаттық матчта жеңіліп қалды

Қазақстанның бірінші ракеткасы Зарина Диас жүлде қоры 731 мың долларлық Чарльстондағы теннис турнирінің екінші кезеңіне өте алмады, - деп хабарлайды Vesti.kz.

Турнир басында Зарина әлемнің 110-шы ракеткасы чехиялық Луция Градецкамен кездесті. Матч екі сағат тоғыз минутқа созылып, 4:6, 6:1, 6:3 есебімен Луция жеңіске жетті. Градецканың келесі қарсыласы словакиялық білікті теннисші Кристина Куцова болады.

Қазақстанның атынан шыққан тағы бір спортшы  Юлия Путинцева да турнирді жалғастыра алмайды. Ол ресейлік Евгения Родинадан 3:6, 3:6 есебімен ұтылды. Родина енді неміс қызы Ангелики Кербермен кездеседі.