+7 (777) 001 44 99
Қазақша
Русский
English
05 қаңтар 2022 09:07
Алматыда коменданттық сағат енгізілді
Алматыда коменданттық сағат енгізілді, - деп хабарлайды Tengrinews.kz тілшісі. Бұл туралы Президенттің қаладағы төтенше жағдай туралы Жарлығында айтылды.
ПОДЕЛИТЬСЯ
Алматыда коменданттық сағат енгізілді, - деп хабарлайды Tengrinews.kz тілшісі. Бұл туралы Президенттің қаладағы төтенше жағдай туралы Жарлығында айтылды.
Қаулы Алматы тұрғындарының қауіпсіздігін қамтамасыз ету мақсатында қабылданды. Төтенше жағдай 5 қаңтардан 19 қаңтарға дейін енгізіледі. Коменданттық сағат 23.00-ден 7.00-ге дейін болады. Алматы қаласының Полиция департаментінің бастығы Қанат Таймерденов комендант болып тағайындалды.
Төтенше жағдай кезеңінде:
- қоғамдық тәртіпті сақтауды, аса маңызды мемлекеттік және стратегиялық нысандарды, сондай-ақ, халықтың тыныс-тіршілігін және көлік жұмыс істеуін қамтамасыз ететін нысандарды күзетуді күшейту;
- Алматыда жүріп-тұру, оның ішінде көлік құралдарына шектеулер енгізу; жеке тұлғалардың жеке басын куәландыратын құжаттарды тексеруді, жеке тексеруді, олардың алып жүрген заттарын, көлікті тексеруді қамтамасыз ету;
Алматыға кіріп-шығуды шектеу;
бейбіт жиналыстарды, ойын-сауық, спорттық және басқа да бұқаралық іс-шаралар ұйымдастыруға және өткізуге тыйым салу;
заңды тұлғалардың ереуілдеріне тыйым салу;
қару, оқ-дәрілер, жарылғыш заттар, арнайы құралдар, улы заттар сатуға тыйым салу, дәрілік, есірткі құралдарының, психотроптық заттардың, прекурсорлардың, сондай-ақ, этил спиртінің, алкоголь өнімінің сауда айналымын бақылау;
жеке тұлғалардан қару мен оқ-дәрілерді, улы заттарды уақытша алу, ал заңды тұлғалардан қару, оқ-дәрілер және улы заттармен қатар жауынгерлік, оқу әскери техникасын, жарылғыш, радиоактивті заттарды уақытша алу қамтамасыз етілсін.
Алматы, ІІМ, ҰҚК, Қорғаныс министрлігі және ТЖМ төтенше жағдай режимі кезінде қолданылатын шараларды жүзеге асыруға жауапты саналады.
Жарлық қол қойылған күнінен бастап қолданысқа енгізіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
